aide
Discours/Cérémonie
Accueil des commissaires du roi aux Etats - E16621124(01)
Nature |
Accueil des commissaires du roi aux Etats |
Code du discours/geste |
E16621124(01) |
CODE de la session |
16621124 |
Date |
24/11/1662 |
Cote de la source |
C 7137 |
Folio |
1r-1v et 2r-2v |
Espace occupé |
1,5 |
Locuteur
Titre |
np |
Nom |
np |
Prénom |
np |
Fonction |
np |
Texte :
L'an mil six cens soixante deux et le vendredy vingt quatriesme jour du moys de novembre a neuf heures du matin dans l'esglize des penitens noirs de Pesenas, les gens des troys estats du pays de Langued(o)c y estans assemblés par mandement du Roy, est venu Monseigneur le prince de Conty, prince du sang, pair de France, gouverneur et lieutenant general pour le Roy en Languedoc, assisté de haut et puissant seigneur Louis de Cardaillac de Lévy, comte de Bieule, marquis de Cardaillac, vicomte de Lautrec, seigneur et baron de Villeneufve la Cremade, Lapene, Montredon, Labruguiere, Gays, et autres places, conseiller du Roy en tous ses conseils, chevalier de ses ordres, lieutenant general pour Sa Majesté en ses armées et province de Languedoc, de Messire Claude de Bazin, chevallier, seigneur de Besons, conseiller du Roy ord(inaire) en son Conseil d'Estat, intendant de la justice, police et finances de lad. province de Languedoc, et de Messieurs Caulet et de Bouirargues, tresoriers generaux de France ez generalités de Tholoze et Montpellier, tous commissaires prezidents pour le Roy auxdicts Estatz, Mondit seigneur le prince de Conty et Messieurs les autres commissaires ont presenté la lettre close dressante aux estats, laquelle est de teneur comme s'ensuit [voir E16620930(01)].
Laquelle lettre auroit esté baillée par S. A. S. a Monseigneur l'evesque de Castres nommé a l'archevesché de Tholoze, president des estats, quy en auroit ordonné la lecture, laquelle ayant esté faicte ensuitte par M(aistr)e Pierre de Guilleminet, secrettaire et greffier en iceux, Mondit seigneur le prince de Conty auroit ordonné la lecture des commissions de la taille, taillon, et autres données a Paris ledict jour troisiesme septembre 1662, laquelle auroit esté faicte par M(aistr)e Jean Pujol, greffier pour le Roy auxd. Estats, et ensuitte S. A. S. a dit : [voir E16621124(02)]